Prospett tas-Suq tal-UE
Din it-taqsima tipprovdi informazzjoni strutturali u analiżi tal-industrija Ewropea tas-sajd u tal-akkwakultura kollha, fil-livell tal-UE u tal-Istati Membri, ippreżentata permezz ta’ “profili” apposta. Hija proposta wkoll lista ta’ links utli.
Ikklikkja fuq il-buttuni tax-xellug għal aktar dettalji.
Is-suq tal-ħut tal-UE
L-UE hija suq dinji ewlieni għall-ħut u għall-frott tal-baħar: fl-2020 il-konsum apparenti tiegħu ammonta għal 10,41 miljun tunnellata (piż ħaj) li jikkorrispondu għal madwar 23 kg per capita (piż ħaj). Il-konsum, madankollu, ivarja ħafna madwar l-UE, minn 58 kg/per capita (piż ħaj) fil-Portugall, sa 6 kg/per capita (piż ħaj) fiċ-Ċekja. In-nefqa annwali għax-xiri ta’ frott tal-baħar mid-djar tal-UE tammonta għal aktar minn EUR 130 per capita, li hija kwart l-ammont li jiġi minfuq għal-laħam.
Il-prodotti prinċipali kkonsmati huma tonn (l-aktar fil-laned), salamun, merluzz, pollakkju tal-Alaska, garneles, maskli, marlozz u aringi.
Id-domanda interna tal-frott tal-baħar fl-UE tintlaħaq l-aktar permezz ta’ importazzjonijiet, peress li dawn ikopru madwar 70% tal-provvista totali. l-aktar prodotti importati huma salamun, merluzz, tonn, pollakkju tal-Alaska, laħam tal-ħut u garneles. Min-naħa l-oħra, kważi 20% tal-provvista tal-UE tiġi esportata. Il-prodotti ewlenin esportati huma aringi, kavalli, stokkafixx, tonn, laħam tal-ħut u żejt tal-ħut.
L-UE hija s-seba' l-akbar produttur fid-dinja tal-prodotti tas-sajd u l-akkwakultura, li fl-2020 kopriet madwar 2% tal-produzzjoni globali (4% għall-qabdiet u 1 % għall-akkwakultura).
Il-Profili tal-pajjiżi jipprovdu analiżi tal-katina tal-provvista tas-sajd u tal-akkwakultura f’kull Stat Membru tal-Unjoni Ewropea. Ġiet irrappurtata dejta kwantitattiva u kwalitattiva aġġornata, li tidentifika l-ispeċijiet ewlenin li ġew żbarkati, imrobbija u mibjugħa u l-attitudnijiet ewlenin tal-konsumaturi f’kull pajjiż. Ikklikja fuq il-pajjiżi fuq il-mappa jew l-ismijiet tal-pajjiżi fuq il-lemin biex issir taf aktar.
Id-deżinjazzjonijiet użati u l-preżentazzjoni ta’ materjal f'din il-mappa ma jimplikawx l-espressjoni ta’ kwalunkwe opinjoni tkun xi tkun min-naħa tal-Unjoni Ewropea li tikkonċerna l-istatus legali ta’ kwalunkwe pajjiż, territorju, belt jew żona jew l-awtoritajiet tiegħu/tagħha, jew li tikkonċerna d-delimitazzjoni ta’ fruntieri jew il-fruntieri tiegħu/tagħha.
Il-profili tal-Ispeċijiet jipprovdu informazzjoni u dejta tas-suq ewlieni tul il-katina tal-provvista dwar l-iktar speċijiet importanti għas-suq tal-UE. Jiġu rrappurtati denominazzjonijiet kummerċjali, deskrizzjonijiet tal-ispeċijiet u informazzjoni kwalitattiva oħra, flimkien ma' dejta aġġornata dwar il-produzzjoni (sajd u akkwakultura), il-kummerċ u l-konsum.
Ikklikkja fuq l-ispeċijiet ta’ hawn taħt biex issir taf iktar.
Din it-taqsima fiha links utli għas-servizzi u l-inizjattivi tal-Kummissjoni Ewropea fis-sajd u l-akkwakultura. Dawn il-links jipprovdu wkoll dejta u informazzjoni dwar il-politiki tal-UE fis-settur tal-FAP.
Affarijiet Marittimi u Sajd
Dan is-sit web dwar l-affarijiet marittimi u s-sajd huwa ġestit mill-Kummissjoni Ewropea (id-Direttorat Ġenerali għall-Affarijiet Marittimi u s-Sajd). Huwa jipprovdi lill-pubbliku, lill-partijiet interessati u lill-ġurnalisti informazzjoni rilevanti, ċara u aġġornata dwar l-affarijiet marittimi u l-politika tas-sajd tal-UE.
https://ec.europa.eu/info/departments/maritime-affairs-and-fisheries_en
In-Netwerk Ewropew ta’ Żoni tas-Sajd(FARNET)
In-Netwerk Ewropew ta’ Żoni tas-Sajd (FARNET) jiġbor flimkien l-oqsma kollha tas-sajd appoġġjati mill-Assi prijoritarju 4 tal-Fond Ewropew għas-Sajd (FES).
https://webgate.ec.europa.eu/fpfis/cms/farnet/
Atlas Ewropew tal-Ibħra
L-Atlas Ewropew tal-Ibħra huwa mod faċli u divertenti kif il-professjonisti, l-istudenti u kull min hu interessat jitgħallmu aktar dwar l-ibħra u l-kosti Ewropej, l-ambjent tagħhom, l-attivitajiet tal-bniedem relatati u l-politiki Ewropej.
https://ec.europa.eu/maritimeaffairs/atlas_en
Forum Marittimu
Il-Forum Marittimu għandu l-għan li jtejjeb il-komunikazzjoni fost il-partijiet interessati tal-politika marittima tal-UE. Dan jippermetti lill-partijiet interessati fil-politika marittima tal-UE jikkomunikaw fuq pjattaforma komuni.
https://webgate.ec.europa.eu/maritimeforum/