X’inhu l-EUMOFA
L-Osservatorju Ewropew tas-Suq tal-Prodotti tas-Sajd u l-Akkwakultura (EUMOFA) huwa strument ta’ intelliġenza tas-suq fuq is-settur tas-sajd u tal-akkwakultura fl-Unjoni Ewropea, żviluppat mill-Kummissjoni Ewropea. Dan għandu l-għan li jżid it-trasparenza u l-effiċjenza tas-suq, janalizza d-dinamika tas-swieq tal-UE, jappoġġja d-deċiżjonijiet kummerċjali u t-tfassil tal-politika.
L-EUMOFA jippermetti monitoraġġ dirett tal-volumi, il-valuri u l-prezzijiet tal-prodotti tas-sajd u tal-akkwakultura, mill-ewwel bejgħ sal-istadju tal-bejgħ bl-imnut, inklużi importazzjonijiet u esportazzjonijiet. Id-dejta tinġabar mill-pajjiżi tal-UE, I-Islanda, in-Norveġja, ir-Renju Unit u mill-istituzzjonijiet tal-UE u tiġi aġġornata kuljum.